കോലഞ്ചേരി: കുന്നത്തുനാട് നിയോജക മണ്ഡലത്തിലെ കോലഞ്ചേരി സിവിൽ സ്റ്റേഷനിൽ ലീഗൽ മെട്രോളജി ഓഫീസ് ഭഷ്യമന്ത്രി ജി.ആർ. അനിൽ ഓൺലൈനായി ഉദ്ഘാടനം ചെയ്തു. പി.വി. ശ്രീനിജിൻ എംഎൽഎ അധ്യക്ഷനായി.
വടവുകോട് ബ്ലോക്ക് പഞ്ചായത്ത് പ്രസിഡന്റ് അമൃത സനൂപ്, വടവുകോട്-പുത്തൻകുരിശ് ഗ്രാമപഞ്ചായത്ത് പ്രസിഡന്റ് റെജി തോമസ്, വ്യാപാരി-വ്യവസായി സമിതി ഏരിയ സെക്രട്ടറി പോൾ വെട്ടിക്കാടൻ, വ്യാപാരി വ്യവസായി ഏകോപന സമിതി കുന്നത്തുനാട് മണ്ഡലം പ്രസിഡന്റ് സോണി ആന്റണി തുടങ്ങിയവർ പങ്കെടുത്തു.
തിരുവാണിയൂർ, പൂത്തൃക്ക, വടവുകോട്-പുത്തൻകുരിശ്, കുന്നത്തുനാട്, കിഴക്കമ്പലം, ഐക്കരനാട്, മഴുവന്നൂർ, വെങ്ങോല എന്നീ പഞ്ചായത്തുകളായ കോലഞ്ചേരി ലീഗൽ മെട്രോളജി ഓഫീസിന് കീഴിൽ വരുന്നത്.